ജീവിതത്തിലെ പുതിയ ഘട്ടത്തിലേക്ക് കടക്കാൻ ഒരുങ്ങുമ്പോൾ തന്നെ 28-കാരിയായ ഒരു യുവതി സ്വന്തമാക്കിയ നേട്ടം പലർക്കും പ്രചോദനമാകുന്നുവെന്ന് റിപ്പോർട്ട്. വിവാഹത്തിന് ഒരാഴ്ച മുമ്പ് ആ പെൺകുട്ടിയുടെ ആസ്തി 1 കോടിരൂപയിലെത്തി. അതും വിദഗ്ധരുടെ സഹായമില്ലാതെ സ്വയം തയാറാക്കിയ നിക്ഷേപശൈലി പിന്തുടർന്നതിലൂടെയാണിതെന്ന് ഇന്ത്യാ ടുഡേയുടെ റിപ്പോർട്ടില് പറയുന്നു.
നിക്ഷേപത്തിലെ ലാളിത്യം
ടെക് മേഖലയിൽ ജോലി ചെയ്യുന്ന പേര് വെളിപ്പെടുത്താത്ത യുവതി തന്റെ നിക്ഷേപയാത്രയെ കുറിച്ച് Reddit-ൽ പങ്കുവെച്ചപ്പോഴാണ് സംഭവം ശ്രദ്ധേയമായത്. “ഞാൻ ഒരു വിദഗ്ധ നിക്ഷേപകയല്ല. നിക്ഷേപങ്ങൾ ലളിതവും സുരക്ഷിതവുമാണ്,” എന്നാണ് യുവതി കുറിപ്പിൽ അറിയിച്ചത്. ആ ലാളിത്യം തന്നെയാണ് വിജയത്തിലേക്ക് നയിച്ചതെന്ന് സോഷ്യൽ മീഡിയയും ഏറ്റെടുത്തു.
ഉറച്ച മുന്നേറ്റം21-ാം വയസിൽ ജോലി ആരംഭിച്ചപ്പോൾ തന്നെ അവൾ നിക്ഷേപവും തുടങ്ങി. കഴിഞ്ഞ ഏഴ് വർഷമായി തുടർച്ചയായി നിക്ഷേപം തുടരുകയാണ്. ഇതിനിടയിൽ അവളുടെ സമ്പത്ത് 1 കോടി കടന്നു.മ്യൂച്വൽ ഫണ്ടുകൾ, EPF, ഓഹരികൾ, സ്വർണം, സേവിംഗ്സ് നിക്ഷേപം എന്നിവ ഉൾപ്പെടുന്ന ലളിതമായ ഒരു പോർട്ട്ഫോളിയോയാണ് അവളുടേത്. വലിയ റിസ്കുകളോ ഷോർട്ട്കട്ടോ ഇല്ല. പകരം സ്ഥിരതയും ക്ഷമയുമാർന്ന നിക്ഷേപശൈലി. ശമ്പളം കൂടുന്നതിനനുസരിച്ച് നിക്ഷേപം വർധിപ്പിക്കുകയും, ജീവിതശൈലി നിയന്ത്രണത്തിൽ നിർത്തുകയും ചെയ്തതാണ് വിജയത്തിന്റെ രഹസ്യമെന്ന് അവൾ പറയുന്നു.“ചെറിയ തുകയായാലും നേരത്തെ തുടങ്ങുക. വിദഗ്ധനാകേണ്ടതില്ല,” എന്ന ആ വാക്കുകൾ പലർക്കും പ്രചോദനമാണ്.
രണ്ടാം കോടി എന്ന്ഇപ്പോൾ അവളുടെ ലക്ഷ്യം കൂടുതൽ വൈവിധ്യമാർന്ന നിക്ഷേപം ഒരുക്കുക എന്നതാണ്. ഓഹരികളും ആഗോള മാർക്കറ്റുകളും ഉൾപ്പെടുത്തി ദീർഘകാല വളർച്ച നേടാൻ പദ്ധതി.കൂടാതെ ഭൂമിയിലുള്ള നിക്ഷേപവും സ്ഥിരമായ പാസീവ് വരുമാനവും ലക്ഷ്യമിടുന്നു.
എല്ലാവർക്കുമുള്ള പാഠംനിക്ഷേപം വളരെ സങ്കീർണ്ണമാണെന്ന് പലരും കരുതുമ്പോൾ, ഇത് ഒരു ലളിത സത്യത്തെ ഓർമ്മിപ്പിക്കുന്നുസമയത്ത് തുടങ്ങുക, സ്ഥിരത പാലിക്കുക, ക്ഷമയോടെ മുന്നോട്ട് പോവുക.ഈ മൂന്നു കാര്യങ്ങൾ പാലിച്ചാൽ ചെറിയ ചുവടുകൾ പോലും വലിയ വിജയത്തിലേക്ക് നയിക്കുമെന്നതിന് ഈ യുവതിയുടെ ജീവിതം കാണിച്ചു തരുന്നു.
Content Highlight :A 28-year-old woman achieved a ₹1 crore net worth just a week before her wedding, marking a major personal and financial milestone